„კოვიდ-19“-ის საწინააღმდეგო ვაქცინაციის წახალისების პროგრამა 31 მარტამდე გაგრძელდა. აღნიშნულის შესახებ ინფორმაციას დაავადებათა კონტროლის ეროვნული ცენტრი ავრცელებს.
მათივე ცნობით, 200-ლარიანი წახალისების პროგრამით სარგებლობა 50 წლის და უფროსი ასაკის საქართველოს მოქალაქეებს ვაქცინაციის პირველი დოზის გაკეთების შემდეგ შეუძლიათ.
როგორც დაავადებათა კონტროლის ეროვნულ ცენტრში აცხადებენ, ამავე ასაკობრივი ჯგუფის პირები ბუსტერის გაკეთების შემთხვევაში, 100 ლარს მიიღებენ.
„იმ მოქალაქეებს, რომელთა ასაკი საპენსიო ასაკს არ შეესაბამება, სოციალური სააგენტო „ლიბერთი ბანკთან“ არსებული ხელშეკრულების ფარგლებში, ანგარიშებს თავად გაუხსნის. ვაქცინაციაზე რეგისტრაციისთვის შეგიძლიათ დარეკოთ 15 22-ზე ან ეწვიოთ ვებგვერდს booking.moh.gov.ge. ასევე შესაძლებელია რეგისტრაციის გარეშე მიმართოთ უახლოეს ამცრელ პუნქტს“, – აღნიშნულია ინფორმაციაში.
Loading ...
