ლანჩხუთის მუნიციპალიტეტის საკრებულოს დეპუტატი ”ევროპული საქართველოდან” ამირან გიგინეიშვილი ფეისბუქზე პოსტს აქვეყნებს და გურიის მაჟორიტარი დეპუტატის ვასილ ჩიგოგიძის ლანჩხუთში მდებარე ბიუროს კარზე არსებული აბრის ფოტოს დებს.
”ბატონო ვასილ ჩიგოგიძე / Vasil Chigogidze მე კი მაქვს ვერსია, მაგრამ იქნებ თქვენ ახსნათ ეს აბრა რას ნიშნავს?” – კითხულობს დეპუტატი ფოტოს შესახებ, სადაც ჩანს, რომ პარლამენტის წევრის, მაჟორიტარი დეპუტატის აბრაზე პარტიული ატრიბუტიკა, ”ქართული ოცნების” ლოგოა გამოსახული.
”გურიაTV” მაჟორიტარის ბიუროს წარმომადგენლებს დაუკავშირდება და მათ კომენტარს მიღებისთანავე შემოგთავაზებთ.
იურისტი კახა ჩავლეშვილი ამბობს, რომ ვინაიდან დეპუტატის ბიურო ლანჩხუთის მუნიციპალიტეტის ადმინისტრაციულ შენობაში მდებარეობს, აქ პარტიული ატრიბუტიკის განთავსება არასწორია.
”ამ საქციელისთვის დეპუტატი მინიმუმ უხერხულობას უნდა გრძნობდეს, ლანჩხუთის ადმინისტრაციულმა ორგანომ კი ბიუროს აბრის ჩამოხსნა უნდა მოსთხოვოს” – აცხადებს კახა ჩავლეშვილი.
ვასილ ჩიგოგიძის ბიუროში კი აცხადებენ, რომ ამ ქმედებაში კანონდარღვევა არაფერია.
”ვასილ ჩიგოგიძე არის ”ქართული ოცნების” მიერ წარდგენილი მაჟორიტარი დეპუტატი. შესაბამისად, კანონი პარტიის ლოგოს გამოყენებას არ კრძალავს” – აცხადებენ ბიუროში.
Loading ...