გურიის რეგიონში “ნამახვანჰესის” მშენებლობის მოწინააღმდეგეთა აქციის ორგანიზატორები იმყოფებოდნენ. “რიონის მცველებმა” შეხვედრა გურიის სამივე მუნიციპალიტეტში გამართეს. როგორც ვარლამ გოლეთიანმა განაცხადა, მათი ვიზიტი იმ ადამიანების ორგანიზებულია, რომლებიც ნამახვანის აქციებში მონაწილეობას სხვადასხვა რეგიონიდან იღებდნენ. შეხვედრა საინფორმაციო ხასიათის იყო და მთავარი თემა უშუალოდ ნამახვანჰესის საკითხის გარდა 23 მაისს თბილისში დაგეგმილი მასშტაბური აქცია იყო. მსგავსი ტიპის შეხვედრებს “რიონის მცველები” საქართველოს სხვა რეგიონებშიც გამართავენ.