რუსეთის საოკუპაციო ძალების მიერ დაკავებული ექიმის, ვაჟა გაფრინდაშვილის მხარდამჭერები ავტობუსებით, მოტოციკლეტებითა და ავტომობილებით გაემართნენ სოფელ ოძისისკენ, საოკუპაციო ხაზთან, სადაც მშვიდობიანი, სოლიდარობის აქცია 14 საათისათვის გაიმართება.
9 ნოემბერს დაკავებული ექიმის ოჯახის წევრები და გულშემატკივრები თბილისში, რესპუბლიკის მოედანზე 11 საათზე შეიკრიბნენ. აქციას შეუერთდნენ სხვადასხვა პოლიტიკური ძალის წარმომადგენლები და სამოქალაქო აქტივისტები.
ექიმი 37 დღის წინ, 9 ნოემბერს დააკავეს რუსეთის საოკუპაციო ძალებმა. მას დე ფაქტო ხელისუფლებამ ე.წ. საზღვრის განზრახ დარღვევის ბრალდება წაუყენა და 15 ნოემბერს ორთვიანი წინასწარი პატიმრობა შეუფარდა. ეს მუხლი შემდეგ სანქციებს ითვალისწინებს: ფულადი ჯარიმა, გამასწორებელი სამუშაო ვადით ორ წლამდე, ან თავისუფლების აღკვეთას ამავე ვადით.
ექიმის ოჯახი ვარაუდობს, რომ ვაჟა გაფრინდაშვილს ახალგორის რაიონში დაშავებული ადამიანისთვის დახმარების გაწევა სურდა.
www.radiotavisupleba.ge
Loading ...