ე.წ წიწაკის სპრეის გამოყენების შედეგად რამდენიმე მოქალაქე დაშავდა – პარლამენტთან სასწრაფო დახმარების რამდენიმე ბრიგადა მუშაობს

ე.წ წიწაკის სპრეის გამოყენების შედეგად პარლამენტის შენობასთან მიმდინარე აქციაზე რამდენიმე მოქალაქე დაშავდა.

მათ პირველად სამედიცინო დახმარებას სასწრაფო სამედიცინო დახმარების ექიმები უწევენ. ადგილზე სასწრფო დახმარების რამდენიმე ბრიგადა მუშაობს.

ინფორმაციისთვის, საქართველოს პარლამენტთან მიმდინარე აქციაზე სპეცრაზმელებმა აქციის მონაწილეების მიმართულებით ე.წ წიწაკის სპრეი რამდენჯერმე გამოიყენეს.

ამასთან, სპეცრაზმელებსა და აქციის მონაწილეებს შორის რამდენჯერმე მოხდა დაპირისპირება.

სამართალდამცავები, მათ შორის სპეცრაზმი ტერიტორიის აქციის მონაწილეებისგან გაწმენდას ამ დრომდე ცდილობენ.