ექსპერტებმა გურიაში ასაშენებელი ჰესების პროექტები შეაფასეს

დღეს ოზურგეთის საიას ოფისში ბახმაროს რეკრეაციულ ზონაში “ბახვი1” ჰესისა და “ნატანები ჰესის” მიმდინარე პროექტებთან დაკავშირებით შეხვედრა გაიმართა. შეხვედრას უძღვებოდნენ ექსპერტთა და ეკოლოგთა ჯგუფის წევრები, რომლებმაც აღნიშნული პროექტი შეისწავლეს და წინასწარი კვლევის შედეგები წარმოადგინეს. “ნატანები 3” ჰესის მშენებლობის საკითხი “გარემოზე ზემოქმედების შეფასების” ეტაპზეა და სამინისტროსგან საბოლოო დასკვნას ელოდება, ხოლო “ბახვი 1” ჰესის მშენებლობა სკოპინგის ეტაპზეა. შეხვედრაზე ყურადღება გამახვილდა, აღნიშნული პროექტების ხარვეზებზე. პირველი ის, რომ ორივე ჰესი გურიის დაცული ტერიტორიის ფარგლებში ექცევა. განსაკუთრებით მწვავედ აფასებენ ექსპერტები  “ბახვი1” ჰესის მშენებლობას. მათი აზრით დაირღვევა ბახმაროს ბიომრავალფეროვნება და კურორტის უნიკალურ ეკოსისტემას საფრთხე შეექმნება.