"ეს სამყაროს მამოძრავებელი ძალაა" _ ჩოხატაურის მერი მრავალშვილიან დედებს სტუმრობდა

ჩოხატაურის მუნიციპალიტეტის მერი ირაკლი კუჭავა, მუნიციპალიტეტისა და სოფლის ხელმძღვანელებთან ერთად, ბუკნარსა და გოგოლესუბანში იმყოფებოდა. მერმა, დედის დღე ბუკნარში ქამადაძეების, ხოლო, გოგოლესუბანში სიხარულიძეების მრავალშვილიან დედებს მიულოცა. _ დედა ყველაფრის საწყისია, ყველაზე ძვირფასია… ეს მხოლოდ სიტყვა არაა _ ეს სამყაროს მამოძრავებელი ძალაა. მინდა ყველა დედას მივულოცო ეს დღე და ბედნიერი დედობა ვუსურვო, _ აღნიშნა ირაკლი კუჭავამ