„ეს იყო მუქარის შემცველი, შეურაცხმყოფელი, არასერიოზული წერილი“ – აშშ-ის ელჩი „ქართული ოცნების“ ტრამპისადმი არასაჯარო წერილზე

„ქართული ოცნების“ ხელმძღვანელობამ ტრამპის ადმინისტრაციას პირადი წერილი გაუგზავნა, რომელიც, აშშ-ის ელჩის რობინ დანიგანის თქმით, ვაშინგტონში მუქარის შემცველ, შეურაცხმყოფელ და არასერიოზულ გზავნილად აღიქვეს.

„ქართული ოცნების“ ხელმძღვანელობამ გამომიგზავნა წერილი ტრამპის ადმინისტრაციისთვის, პირადი წერილი. ეს არ არის საჯარო წერილი, რომელიც, გულწრფელად გეტყვით, იყო მუქარის შემცველი, შეურაცხმყოფელი, არასერიოზული და უკიდურესად ცუდად იყო მიღებული ვაშინგტონში……ამიტომ, დაგვჭირდა გარკვეული დრო პასუხის მოსაფიქრებლად. ეს მართალია. და ვფიქრობ, გარკვეული დრო დაგვჭირდა იმიტომ, რომ ხალხი ძალიან გაოცებული იყო ასეთი წერილის გამოგზავნით ერთი ქვეყნის მიერ ჩემი ქვეყნისთვის… ამასობაში, სანამ ჩვენ პასუხზე ვფიქრობდით, პრემიერმინისტრმა გამოაქვეყნა ღია წერილი. და მაშინ მე მივედი პრემიერმინისტრთან და ვუთხარი, რომ მაქვს პასუხი სახელმწიფო მდივან რუბიოსგან, რომელმაც მთხოვა, რომ ის ბიძინა ივანიშვილს გადავცე. მე მითხრეს, რომ ტრამპის ადმინისტრაციის ეს წერილი გადამეცა პირადად ბიძინა ივანიშვილისთვის და მან თქვა უარი. ჩემთვის არ უთხოვიათ, რომ ის პრემიერმინისტრისთვის მიმეცა…“ – ამბობს აშშ-ის ელჩი რობინ დანიგანი რადიო თავისუფლებასთან ინტერვიუში.

ელჩი ასევე აცხადებს: „ვფიქრობ, მსოფლიოში ადამიანების უმრავლესობამ იცის, რომ მთავრობას მართავს ბიძინა ივანიშვილი“.

ელჩი, რომელიც ივლისში საქართველოს ტოვებს პირადი გადაწყვეტილების საფუძველზე, ასევე აღნიშნავს, რომ საქართველო-ურთიერთობების „სწორ გზაზე დაბრუნება არც ისე რთულია“ და ამას, პირველ რიგში, სჭირდება არის „ანტიამერიკული რიტორიკის შეწყვეტა“.