“ეს არის ის, რასაც ჩვენი სახელმწიფო უბრალოდ არ შეიწყნარებს” – ქართველი და უცხოელი პოლიტიკოსების შეფასებები ლუკაშენკოს ვიზიტზე

პრეზიდენტი ლუკაშენკოზე : -არ შეიძლება, არ აღვნიშნო რამდენად მიუღებელი და შემაშფოთებელია ის, რაც დღეს მოხდა. ძალიან ცინიკური მიდგომაა, როცა აფხაზეთში ბელარუსის პრეზიდენტი ოკუპაციის კანონის დარღვევით, საერთაშორისო სამართლის ყველა წესისა და პრინციპის დარღვევით, ასევე, ჩვენი ვითომც მეგობრული ურთიერთობების დარღვევით ჩავიდა.

წულუკიანი : – რასაკვირველია, ეს არის დაუშვებელი და მე ვიტყოდი, შეუწყნარებელი ფაქტი, ვინაიდან, ეს მხოლოდ უკანონობა არ არის. ეს არის ის, რასაც ჩვენი სახელმწიფო უბრალოდ არ შეიწყნარებს.

ხაზარაძე : – ბელარუსიის პრეზიდენტის დღევანდელი ვიზიტი აფხაზეთში არის ღია კონფრონტაციაა საქართველოს სახელმწიფოსთან, მის სუვერენიტეტთან და დამოუკიდებლობასთან.

ღარიბაშვილი :- “კატეგორიულად ვგმობ ალექსანდ ლუკაშენკოს “ვიზიტს” რუსეთის მიერ ოკუპირებულ აფხაზეთის რეგიონში და შეხვედრებს რუსეთის საოკუპაციო რეჟიმთან. ეს ნაბიჯი არღვევს საქართველოს კანონს ოკუპირებული ტერიტორიების შესახებ და ეწინააღმდეგება როგორც საერთაშორისო სამართალს, ასევე, ჩვენს ქვეყნებს შორის ორმხრივ ურთიერთობებს”

ილია დარჩიაშვილი :- “პრეზიდენტ ლუკაშენკოს ჩასვლა ბიჭვინთაში, ოკუპირებულ აფხაზეთში/საქართველოში, ოკუპირებული ტერიტორიების შესახებ საქართველოს კანონის დარღვევით მიუღებელია. ჩვენ მკაცრად ვგმობთ ამ უკანონო ქმედებას.

ჯუანშერ ბურჭულაძე :-  “ჩვენ გვექნება უმკაცრესი რეაგირება ვიზიტთან დაკავშირებით და, მით უმეტეს, თუ იქნება მწვავე ნაბიჯი გადადგმული რომელიმე სახელმწიფოს მიერ”

კალაძე :- „აფხაზეთში ლუკაშენკოს ვიზიტი შემაშფოთებელი და უმძიმესი ფაქტია. გარდა იმისა, რომ ეს არამეგობრული და პოლიტიკურად არასწორი ნაბიჯია, მან დაარღვია ოკუპაციის კანონი, რასაც ჩვენი მხრიდან რეაგირება მოჰყვება.

გახარია :- მკაცრად ვგმობ პრეზიდენტ ლუკაშენკოს ვიზიტს რუსეთის მიერ ოკუპირებულ აფხაზეთში. ეს არის საქართველოს ტერიტორიული მთლიანობის და სუვერენიტეტის აშკარა დარღვევა, რომელსაც მკაცრი პასუხი უნდა გაეცეს საქართველოს მთავრობისა და საერთაშორისო საზოგადოების მხრიდან. ჩვენ ყველა მტკიცედ უნდა დავდგეთ ასეთი დარღვევების წინააღმდეგ!

ნედ პრაისი :- ჩვენ მტკიცედ ვუჭერთ მხარს საქართველოსა და მის ტერიტორიული მთლიანობას, მის საერთაშორისოდ აღიარებულ საზღვრებში.ჩვენ გვჯერა, რომ რუსეთმა უნდა აგოს პასუხი. 2008 წლის ცეცხლის შეწყვეტის ხელშეკრულებით დაკისრებული ვალდებულებით რუსეთმა უნდა გაიყვანოს თავისი ძალები კონფლიქტამდე პოზიციებზე და გააუქმოს საქართველოს ტერიტორიების, აფხაზეთისა და სამხრეთ ოსეთის რეგიონების აღიარება.

კლეიტონი :- “გაერთიანებული სამეფო მტკიცე მხარდაჭერას უცხადებს საქართველოს, ამ მორიგი პროვოკაციის ფონზე”