დღეს გავრცელებული ინფორმაციის თანახმად, პარტია ”გახარია საქართველოსთვის” ერთმა წევრმა დატოვა. ირაკლი ჩხაიძე სოციალურ ქსელში წერს:
”2021 წლის ადგილობრივი თვითმმართველობის არჩევნების წინ გავწევრიანდი პოლიტიკურ პარტიაში
,,გახარია საქართველოსთვის”, დღემდე ვარ ამ პარტიის წევრი. დღემდე არწმუნებენ და ატყუებენ პარტიის წევრებს, რომ ამ პარტიის ლიდერები “შეთანხმებულად მოქმედებენ”, რაც საბოლოოდ დავრწმუნდი, რომ აბსოლუტური ბლეფია! ამიტომ დღეს ვტოვებ პარტიას!
პარტიის მენეჯმენტს შეუძლია ჩემი ეს განცხადება ოფიციალურ მიმართვად ჩათვალოს.” – ნათქვამია პოსტში.
”გურიაTV”-მ კომენტარისთვის ”გახარია საქართველოსთვის” ოზურგეთის ორგანიზაციას მიმართა, სადაც განაცხადეს, რომ ირაკლი ჩხაიძე მათი პარტიის წევრი არასოდეს ყოფილა.
” ეს ადამიანი პარტიაში მოიყვანა და სიაში ჩასვა მაშინდელმა მერობის კანდიდატმა გია ცეცხლაძემ, რადგან მისი ბავშვობის მეგობარი იყო. ამის შემდეგ ეს ადამიანი პარტიაში არც მოსულა და თვალითაც არ გვინახავს ამ სამი წლის მანძილზე. არც პარტიის წევრი ყოფილა არასდროს.” – განაცხადეს პარტიაში ”გახარია საქართველოსთვის”
კომენტარები
Loading ...