7 ივნისიდან ესპანეთის სამეფოს ტერიტორიაზე Sinopharm-ითა და Sinovac-ით აცრილ ტურისტებსაც შეეძლებათ. გადაწყვეტილება ესპანეთის შინაგან საქმეთა მინისტრმა მიიღო. ინფორმაციას ამის შესახებ ესპანეთში საქართველოს საელჩო ავრცელებს.
იმისათვის, რომ ტურისტებმა ესპანეთის ტერიტორიაზე შესვლა შეძლონ, მათ უნდა წარადგინონ ახალი კორონავირუსის წინააღმდეგ ჩატარებული აცრის სრული კურსის დამადასტურებელი დოკუმენტი.
“მნიშვნელოვანია, რომ უცხო ქვეყნის მოქალაქეებს ვაქცინაციის სრული კურსი ესპანეთში გამოგზავრებამდე 14 დღით ადრე უნდა ჰქონდეთ ჩატარებული იმ ვაქცინით, რომელიც ავტორიზებულია ევროპის მედიცინის სააგენტოს (ფაიზერი, მოდერნა, J&J/იანსენი, ასტრაზენეკა) ან ჯანმრთელობის მსოფლიო ორგანიზაციის მიერ (სინოფარმი, სინოვაკი)”. – წერია საელჩოს განცხადებაში.
კომენტარები
Loading ...
