ესლოტინი ბავშვებისთვის: როგორ ვმართოთ ალერგია პატარებში?

ესლოტინი სეზონური და წლის განმავლობაში მიმდინარე ალერგიის სიმპტომების მოსახსნელი ან შესამსუბუქებელი პრეპარატია, რომელიც პატარებისთვის სიროფის ფორმით არის ხელმისაწვდომი. ის პსპ-ს სააფთიაქო ქსელში რეცეპტის გარეშე გაიცემა.

სიროფის ყოველი 5 მლ ესლოტინის აქტიური ნივთიერების, დეზლორატადინის 2,5 მგ-ს შეიცავს. მასში ასევე შედის დამხმარე ნივთიერებები: საქაროზა, გლიცერინი, ნატრიუმის პროპილჰიდროქსიბენზოატი, ნატრიუმის მეთილჰიდროქსიბენზოატი, პროპილენგლიკოლი, ლიმონმჟავას მონოჰიდრატი, არომატიზატორი „ფორთოხალი“, ყვითელი სანსეტი (E 110) და გასუფთავებული წყალი.

როდის უნდა მივცეთ ბავშვებს სიროფი?

ალერგია ორგანიზმის გადაჭარბებული მგრძნობელობაა ჩვეულებრივ უსაფრთხო ნივთიერებების, ალერგენების მიმართ, რომელთა შორის შეიძლება იყოს მტვერი ან ცხოველის ბეწვი. იმუნური სისტემა მათ შეცდომით ორგანიზმისთვის საშიშად მიიჩნევს და ალერგენების მიმართ ბრძოლას იწყებს.

ასეთ დროს ბავშვებში შეიძლება გამოვლინდეს სიმპტომები, როგორიცაა: ცემინება, ცხვირიდან ლორწოს გამოყოფა, ცხვირის გაჭედვა, თვალების ქავილი, სიწითლე და ცრემლდენა. ეს სიმპტომები ზოგჯერ სეზონურ პოლინოზთანაა დაკავშირებული, რომელსაც მცენარის მტვერი იწვევს.

ზოგ შემთხვევაში კი მსგავსი ნიშნები მთელი წლის განმავლობაში მიმდინარე ალერგიული რინიტის დროს ვლინდება. ეს უკანასკნელი შეიძლება ყვავილის ან სახლის მტვერმა, ასევე ცხოველების ბეწვმა გამოიწვიოს.

ესლოტინის სიროფი პატარებს ჩამოთვლილი სიმპტომების შემსუბუქებაში ორივე შემთხვევაში ეხმარება.

რა დოზებით მივცეთ პატარებს პრეპარატი?

ბავშვებისთვის, დიდებთან შედარებით, ესლოტინის უფრო მცირე დოზაა საკმარისი. ის ასაკის მატების შესაბამისად იზრდება. მაგალითად, 6-დან 11 თვემდე ასაკის პატარებს ექიმი ჩვეულებრივ 1 მგ დოზას, სიროფის 2 მლ-ს უნიშნავს, დღე-ღამეში ერთხელ მისაღებად.

1-დან 5 წლამდე ასაკის ბავშვებისთვის დოზა, როგორც წესი, 1,25 მგ-მდე, სიროფის 2,5 მლ-მდე იზრდება. პრეპარატი პატარებს ამ შემთხვევაშიც დღე-ღამეში ერთხელ უნდა მივცეთ.

6-დან 11 წლამდე ასაკის ბავშვებისთვის დოზა ორმაგდება და 2,5 მგ-ს, სიროფის 5 მლ-ს აღწევს, ასევე დღე-ღამეში ერთხელ მისაღებად.

პატარების გარდა, ესლოტინის სიროფს 12 წლისა და უფროსი ასაკის მოზარდებსა და მოზრდილებშიც იყენებენ. ამ შემთხვევაშიც რეკომენდებული დოზა ისევ ორმაგდება და 5 მგ-ს, სიროფის 10 მლ-ს შეადგენს, ერთხელ დღე-ღამეში.

რაც შეეხება მკურნალობის კურსის ხანგრძლივობას, სეზონური პოლინოზის მკურნალობისას პატარებს პრეპარატის მიცემა სიმპტომების გაქრობის შემდგომ უნდა შევუწყვიტოთ. წლის განმავლობაში არსებული ალერგიული რინიტის მკურნალობისას კი მათ სიროფი ალერგენთან კონტაქტის მთელი პერიოდის განმავლობაში უნდა მივცეთ.

ესლოტინის სარგებელი ბავშვებისთვის

ძველი თაობის ანტიჰისტამინებისგან განსხვავებით, ესლოტინის აქტიური ნივთიერება დეზლორატადინი ადვილად არ კვეთს ჰემატოენცეფალურ ბარიერს, ამიტომ არ იწვევს ძილიანობას, რაც მას სასურველს ხდის სკოლის ასაკის ბავშვებისთვის.

ესლოტინი 24-საათიან ეფექტიანობას უზრუნველყოფს, რაც საშუალებას გაძლევთ, პატარებს ის ერთჯერადი დღიური დოზის სახით მისცეთ. ასეთი დოზირებით ბავშვების რუტინაში წამლის შეტანა გაცილებით მარტივია.

ესლოტინის სიროფი ალერგიის მრავალი სიმპტომების მიმართ არის ეფექტიანი: ის ებრძვის რესპირატორულ სიმპტომებს, როგორიცაა სურდო და ცემინება, ასევე კანის რეაქციებს. შესაბამისად, პატარების მგრძნობიარე ორგანიზმისთვის, რომელიც შეიძლება სხვადასხვა ალერგიულ რეაქციას ებრძოდეს, პრეპარატი განსაკუთრებით სასარგებლოა.