ერთი ოქრო, ორი ვერცხლი და სამი ბრინჯაო საქართველოს პირველობიდან – ოზურგეთელი მოჭიდავეების წარმატება

დასრულდა საქართველოს ჩემპიონატი, ბერძნულ-რომაულ ჭიდაობაში 17 წლამდელთა შორის, რომელსაც ქალაქი ხაშური მასპინძლობდა. ჩემპიონატში მონაწილეობა მიიღეს და წარმატებით იასპარეზეს ოზურგეთის მუნიციპალიტეტის სპორტულ – გამაჯანსაღებელ დაწესებულებათა გაერთიანებასთან არსებულმა ჭიდაობის სექციის სპორტსმენებმა. ჩემპიონის ტიტული და ოქროს მედალი ავთანდილ მამალაძემ ( 60კგ.) ვერცხლი და მეორე საპრიზო ადგილი ლუკა ჯანელიძემ (51კგ) და საბა მახარაძემ ( 71კგ) მოიპოვეს, ბრინჯაოს კი ლუკა კილაძე ( 45კგ) , ზურა სადრაძე( 55კგ) და გიორგი ბერიძე ( 48 კგ) დაეუფლენ. მოჭიდავეები ჩემპიონატისთვის მოამზადეს : ძმებმა ზურაბიანებმა, კობა ბალავინოვმა, გურამ მაჭარაშვილმა, კახაბერ აბაშიძემ, ლაშა გუჯაბიძემ, ფრიდონ და გურამ აბაშიძეებმა, ლაშა ქადეიშვილმა, ლაშა დოლიძემ.