ერთი ადამიანი დაიღუპა და ერთი დაშავდა – ავარიის შედეგად ქობულეთში

ქობულეთში ორი ავტომობილი ერთმანეთს შეეჯახა. ავარიას ერთი ადამიანი ემსხვერპლა, ერთი კი დაშავდა.

შემთხვევა ცოტა ხნის წინ, ქალაქის ტერიტორიაზე მოხდა.

დაღუპულია 20 წლამდე ბიჭი. ავტოსაგზაო შემთხვევის დროს დაშავდა ერთი ადამიანი, რომელიც მძიმე ტრამვებით სასწრაფო სამედიცინო დახმარების ჯგუფმა კლინიკაში გადაიყვანა.

შინაგან საქმეთა სამინისტროს ინფორმაციით მომხდარზე გამოძიება საქართველოს სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.