ეპიდემიოლოგიური ვითარება და ვაქცინაციის პროცესი სოფელ შრომაში

როგორც მთელ საქართველოში, ისე ოზურგეთის მუნიციპალიტეტის სოფელ შრომაში COVID19 – ით ინფიცირებულთა რიცხვი გაზრდილია. შრომის საექიმო ამბულატორიის ექიმი, ირმა რობაქიძე ჩვენთან საუბრისას აღნიშნავას, რომ ამ დროისთვის აქტიური შემთხვევების რაოდენობა მთელ სოფელში 80-ს აღწევს.

„ეპიდ სიტუაცია არ არის კარგი, გვყავს ძალიან ბევრი კოვიდ დადებითი პაციენტი. ზოგიერთი მოთავსებულია კლინიკაში, თუმცა ინფიცირებულთა უმრავლესობა მკურნალობას გადის ბინაზე. ბოლო 1 კვირაა ყოველდღიურად იზრდება ინფიცირებულთა რიცხვი და ამ დროისთვის კლების დინამიკა არ შეინიშნება. გვაქვს როგორც ოჯახური, ისე სამსახურეობრივი კონტაქტები. გვიფიქსირდება შემთხვევები სკოლიდან, ბაღიდან და არის უბნის კონტაქტებიც.“ – განაცხადა ირმა რობაქიძემ.

მისი თქმით, თუ რომელი შტამით არის ინფიცირებული ადამიანი ამის გარკვევას უფრო ღრმა კვლევები და მაღლი დონის ლაბორატორია სჭირდება.

„რომელი შტამია გავრცელებული არ ვიცით, თუმცა ვინაიდან ქვეყანაში გამოვლენილი ინფიცირებულთა უმრავლესობა არის ომიკრონით გამოწვეული, ვვარაუდობთ, რომ აქაც ზემოაღნიშნული შტამი ცირკულირებს“ – აღნიშნა ექიმმა.

სოფელ შრომის საექიმო ამბულატორიაში გასულ შაბათს ვაქცინციის პროცესიც დაიწყო. ადგილზე ხელმისაწვდომია ყველა ის ვაქცინა, რაც ქვეყანაში არის. იმუნიზაციის დღეებია: სამშაბათი პარასკევი 12:00-15:30.

„1 კვირის განმავლობაში ჩვენ მიერ აცრილია 62 ადამიანი, ძირითადად მოდიან ბუსტერებზე და პირველად ვაქცინაციაზე. გვაქვს ბინაზე მისვლის სერვისიც, ასევე, გუშინ ვიყავით ორმეთში და იქ ჩავატარეთ ვაქცინაციის პროცესი. მომართვიანობა არის მოსახლეობის მხირდან, თუმცა ბევრი ოჯახი უკვე ინფიცირებულია, კონტაქტებია და ამ დროისთვის ვერ იცრებიან. ამას გარდა არიან აქამდე აცრილებიც შრომაში, ამიტომ ვერ ვიტყვით, რომ უდიერად მოეკიდნენ ამ საკითხს. ვაქცინაცის კვლავ ვაგრძელებთ მანამ სანამ ამის საჭიროება იდგება და მსურველებს შეუძლიათ მოგვმმართონ, ძირითადად სამშაბათს და პარასკევს ვაკეთებთ აცრებს“ – ამბობს ჩვენთან საუბრისას საექიმო ამბულატორიის ექიმი.

შრომის საექიმო ამბულატორიაში სოფლის ნებისმიერ მცხოვრებს შესაძლებლობა აქვს ჩაიტაროს COVID19 – ის დიაგნოსტიკური საშუალება ანტიგენზე დამყარებული სწრაფი ტესტით, საჭიროების შემთხვევაში გადამისართდეს ოზურგეთში PCR ტესტირებაზე.

დიაგნოსტიკასთან ერთად, მიმდინარეობს პრევენციული ღონისძიებების გატარებაც, ვაქცინაციის სახით.

მასალა პროექტის “ჩვენ ვირჩევთ, ჩვენ ვაკონტროლებთ” ფარგლებში, ახალგაზრდა რეპორტიორმა ავთო ხომერიკმა მოამზადა.

Funded through the Alumni Grants Program, U.S. Embassy in Georgia/დაფინანსებულია საქართველოში აშშ–ის საელჩოს ალუმნი საგრანტო პროგრამის ფარგლებში.