საფრანგეთის პრეზიდენტმა ემანუელ მაკრონამ ქვეყანაში საყოველთაო კარანტინი მეორედ გამოაცხადა.
შეზღუდვები რეგიონებს შორის გადაადგილებას კრძალავს. ახალი რეგულაციები ძალაში პარასკევიდან, 30 ოქტომბრიდან შევა. ასევე მოქალაქეებისთვის სახლიდან გასვლა მხოლოდ აუცილებლობის შემთხვევაში იქნება ნებადართული. დაიხურება რესტორნები და კაფე-ბარები.
ემანუელ მაკრონის განცხადებით, „კოვიდ-19“-ის პანდემიის მეორე ტალღა, პირველზე რთული და ფატალური იქნება.
მაკრონის თქმით, ვირუსი იმაზე სწრაფად ცირკულირებს, ვიდრე ეს ნავარაუდები იყო.
როგორც საფრანგეთის პრეზიდენტმა აღნიშნა, ნოემბრის შუა რიცხვებისთვის ქვეყნის მასშტაბით, ინტენსიური თერაპიის განყოფილებებში არსებულ თავისუფალ საწოლებს კოვიდინფიცირებულები დაიკავებენ და საფრანგეთს მოუწევს, ვირუსის გავრცელების შესაჩერებლად „მკვეთრი დამუხრუჭება, რათა ექიმებს არ მოუწიოთ არჩევანის გაკეთება, თუ ვის განათავსებენ ინტენსიური თერაპიის განყოფილებაში, ინფიცირებულს თუ ავტოსაგზაო შემთხვევით დაზარალებულ პაციენტს“.
Loading ...