ელექტროენერგიის გათიშვის გამო საქართველოსა და ლუქსემბურგის ქალთა ნაკრებების მატჩი დროებით შეწყდა

ქალთა ერთა ლიგის ჯგუფური ეტაპის მატჩი მიხეილ მესხის სახელობის სტადიონზე საქართველოსა და ლუქსემბურგის ნაკრებებს შორის ელექტროენერგიის ჯიხურში მომხდარი დაზიანების გამო შეწყდა.

შეხვედრის განახლება მიხეილ მესხის სათადარიგო სტადიონზე 43:20 წუთიდან იგეგმება, გუნდები ამჟამად მოედანზე არიან და უეფა-ს გადაწყვეტილებას ელიან.

ელექტროენერგიის გათიშვამდე ლუქსემბურგის ნაკრები საქართველოს ქალთა გუნდს 2:0 ამარცხებდა.