ეკონომიკისა და მდგრადი განვითარების სამინისტროს დავალებით, „საქართველოს აეროპორტების გაერთიანება“ ჩინეთში მყოფი საქართველოს სამი მოქალაქისთვის საქართველოში გამოფრენას უზრუნველყოფა ეკონომიკისა და მდგრადი განვითარების სამინისტრომ დაავალა „საქართველოს აეროპორტების გაერთიანებას“.
სამინისტროს ცნობით, ქართული ოჯახი საქართველოში პეკინიდან ხვალ, 8 თებერვალს გამოფრინდება.
ოფიციალური ცნობით, საქართველოს სამი მოქალაქე, რომელიც ჩინეთის ქალაქ იანგჭოუში იმყოფება, ფრენების გაუქმების გამო ქვეყანაში დაბრუნებას ვერ ახერხებდა.
ახალი კორონავირუსის ეპიდემიამ, რომელმაც დეკემბერში დაიწყო ჩინეთიდან გავრცელება, დღემდე 636 ადამიანი იმსხვერპლა. დაავადებულთა საერთო რაოდენობა 31 ათასს აღემატება. დაახლოებით 1500 პაციენტის განკურნება მოხერხდა, იტყობინება ჩინეთის ხელისუფლება.
სასიკვდილო შედეგების უმრავლესობა ჩინეთში აღირიცხა. მთლიანობაში ვირუსი, სულ მცირე, 25 ქვეყანაში გავრცელდა. საკრუიზო გემ Diamond Princess-ზე, რომელიც იაპონიის პორტ იოკოჰამის ნაპირთან ორკვირიან კარანტინზე დგას, კორონავირუსის დადებითი შედეგები აჩვენა 41 ადამიანის ანალიზებმა. ამგვარად, გემზე დაავადებულთა საერთო რაოდენობამ 61-ს მიაღწია. ჯანდაცვის მსოფლიო ორგანიზაციამ კორონავირუსის აფეთქება საერთაშორისო მნიშვნელობის საგანგებო ვითარებად გამოაცხადა.
ახალი კორონავირუსით გარდაცვლილთა შორისაა ექიმი ლი ვენლიანი ჩინეთის ქალაქ უჰანიდან, რომელმაც პირველმა გამოთქვა შიში ახალი კორონავირუსის შესახებ.
www.radiotavisupleba.ge
Loading ...
