ჯანდაცვის მინისტრმა ეკატერინე ტიკარაძემ კორონავირუსის დამდგენი ტესტების სანდოობასთან დაკავშირებით განმარტება გააკეთა.
ტიკარაძემ უპასუხა მედიაში გავრცელებულ ინფორმაციას, რომ ესპანეთმა უვარგისობის გამო უკან გაიწვია ერთ-ერთი ჩინური კომპანიის ტესტები.
მისი თქმით, საქართველოს ტერიტორიაზე შემოტანილი ნებისმიერი ტესტის გადამოწმება ხდება ლუგარში აპრობირებული ტესტირების სისტემით და მხოლოდ ამის შემდეგ იყენებენ მას ფართო გამოკვლევისთვის.
აქედან გამომდინარე, ტიკარაძის განარტებით, დღეს არ არსებობს რისკი საქართველოს მოქალაქეებისთვის, რომ საქართველოში არსებული ტესტირებებით მცდარი დიაგნოსტიკა მოხდეს.
ამასთან, ტიკარაძემ განმარტა, რომ ერთ-ერთ ჩინიური კომპანიის ტესტები, რომელიც ბაზრიდან გაიწვიეს, ლუგარის ლაბორატორიას არ გააჩნია.
„ვიცი, რომ ძალიან დიდი ვნებათაღელვაა ტესტებთან დაკავშირებით, ვიტყვი იმას, რომ კომპანია ბიო ოსმა, იქიდან გამომდინარე, რომ ეს კომპანია არის საკმაოდ მაღალი პასუხისმგებლობის მქონე, გამოაქვეყნა ნოტა და თავისი პროდუქცია თვითონ გაიწვია ყველა ბაზრიდან, სადაც ის იყო გაყიდული. საქართველოს ჰქონდა დადებული ხელშეკრულება ამ კომპანიასთან , თუმცა დღეის მდგომარეობით ჩვენ ამ კომპანიის ტესტები ლუგარის ლაბორატორიაში არ გაგვაჩნია. მინდა, დავამშვიდო ჩვენი მოქალაქეები და განვმეორდე, რომ ნებისმიერი ახალი ტესტი, რომელიც საქართველოს ტერიტორიაზე შემოდის, გადის გარკვეულ დაკვირვებას და ეს დაკვირვება მდგომარეობს შემდეგში: ყველა ტესტის გადამოწმება ხდება ლუგარში აპრობირებული ტესტირების სისტემით და აქედან გამომდინარე, ჩვენ გარკვეული პერიოდის მანძილზე ვაკვირდებით ამ ტესტების სანდოობას ჩვენს მოქალაქეებში და მხოლოდ შემდეგ ვიყენებთ მათ ფართო გამოკვლევისთვის. აქედან გამომდინარე, დღეს ჩვენს მოქალაქეებს არ აქვთ იმის რისკი, რომ საქართველოში არსებული ტესტირებებით მოხდეს მცდარი დიაგნოსტიკა“ ,- განაცხადა ტიკარაძემ.
მისივე თქმით, აღნიშნულ კომპანიაში თანხა არ გადაურიცხავთ.
„თანხა არ გადარიცხულა ამ კომპანიაში. ხელშეკრულება არის ანოლირებული, გვაქვს მოლაპარაკება სხვა კომპანიასტან, რომელთანაც ვმუშაობთ იგივე სტრატეგიით,. გამოგზავნილი იქნება პირველი სატეტსტო 2000 ტესტი. იმ შემთხვევაში, თუ ტესტების სანდოობა იქნება ჩვენი მხრიდანაც დამნტკიცებული და მაღალი, ჩვენ მოვახდენთ დამატებითი რაოდენობის შეძენას.ტესტების სერჩევა მიმდინარეობს ინფექციონისტების რეკომენდაციით, ლუგარის ლაბორატორიის რეკომენდაციით და ჩვენი საელჩოების სრული ჩართულობით.აქედან გამომდინარე, ჩვენ მუფმივ რეჟიმში ვაკეთებთ გადაზღვევას არააკრედიტირებული და არააპრობირებული ტესტების ბაზარზე შემოტანისთვის“ ,- განაცხად ეკატერინე ტიკარაძემ.
Loading ...