“ევროპულმა საქართველომ” დღეს თბილისში დაგეგმილ აქციაზე 500 კაცი წამოიყვანა. ამის შესახებ “გურიაtv”-ს პარტიის ოზურგეთის რაიონული ორგანიზაციის თავმჯდომარემ, მიხეილ გოგოტიშვილმა განუცხადა.
მისივე თქმით, კოლონა გურიიდან ძალიან ადრე გამოვიდა:
_ მთავრობას გამოვეპარეთ და მშვიდობიანად ჩამოვედით, _ გვითხრა გოგოტიშვილმა, რომელიც აქციას ჯერ კიდევ გუშინ შეუერთდა:
_ ჩვენს პარტიას რუსთაველზე მორიგეობა აქვს. გუშინ ოზურგეთის ორგანიზაციის რიგი იყო და წუხელ აქ გავათენე, _ აღნიშნა გოგოტიშვილმა და დასძინა, რომ ის და მისი პარტიის ხარდამჭერები რუსთაველზე იქნებიან მანამ, სანამ ხელისუფლება მთავარ მოთხოვნას _ ჩატარდეს ვადამდელი არჩევნები პროპორციული წესით არ დააკმაყოფილებს.
კომენტარები
Loading ...
