ევროპულმა საქართველომ მერობის კანდიდატებს 12 მუნიციპალიტეტში წარადგენს. ამის შესახებ პარტიის ლიდერმა გიგა ბოკერიამ ბრიფინგზე ისაუბრა.
ბოკერიას თქმით, 2 მუნიციპალიტეტში, კერძოდ, ხონსა და თერჯოლაში უკვე ცნობილია, რომ ევროპული საქართველოს წარდგენილ კანდიდატებს სხვა ოპოზიციური პარტიებიც დაუჭერენ მხარს, ხოლო დანარჩენ მუნიციპალიტეტებზე ჯერ ცნობილი არ არის.
ევროპული საქართველო კანდიდატებს წარადგენს შემდეგ მუნიციპალიტეტებში: გორი, ახალციხე, ახალქალაქი, მარნეული, სამტრედია, კასპი, ამბროლაური, ნინოწმინდა, თეთრიწყარო, წალენჯიხა, თერჯოლა, ხობი. აქედან ცნობილია, რომ ხონში ევროპული საქართველოს კანდიდატი იქნება ზურაბ ჯიბუხაია, ხოლო თერჯოლაში ზურაბ ბუცხრიკიძე.
ასევე ცნობილია, რომ 16 მუნიციპალიტეტში ევროპული საქართველო ოპოზიციის დიდი ნაწილის მერობის საერთო კანდიდატს დაუჭერს მხარს. ეს მუნიციპალიტეტებია: ქუთაისი, ბათუმი, ზუგდიდი, თელავი, რუსთავი, წყალტუბო, მარტვილი, ქობულეთი, ხულო, ასპინძა, ახმეტა, გურჯაანი, დმანისი, ლანჩხუთი, მესტია, ჭიათურა.
ასევე, 664 სამაჟორიტარო ოლქიდან 315 ოლქში სხვადასხვა პარტიებს შორის შედგა შეთანხმება საერთო კანდიდატების მხარდაჭერასთან დაკავშირებით.
Loading ...