ევროპის ჩემპიონატზე საქართველოს ახალგაზრდული ნაკრების ჯგუფი ცნობილია

პოლონეთი

რამაზ სვანაძის გუნდი C-ჯგუფში იასპარეზებს. ჩვენი ნაკრები პირველ შეხვედრას პოლონეთთან ჩაატარებს, კერძოდ 11 ივნისს. მატჩს ჟილინა უმასპინძლებს. აქედან ზუსტად სამ დღეში, 14 ივნისს, საქართველო საფრანგეთს დაუპირისპირდება — მასპინძელი ქალაქი კვლავ ჟილინა იქნება. რაც შეეხება ჯგუფში ბოლო შეხვედრას, ჩვენი ბიჭები პორტუგალიას 17 ივნისს შეხვდებიან. ეს მატჩი უკვე ტრენჩინში გაიმართება.

ფორმატი უცვლელია — ჯგუფიდან ორი საუკეთესო პლეი-ოფში გაააგრძელებს ასპარეზობას. ჯგუფური ეტაპის შემდეგ გუნდები 1/4 ფინალიდან გააგრძელებენ ბრძოლას. ევროპის ჩემპიონატი სტარტს 11 ივნისს აიღებს, ფინალი კი 28 ივნისს გაიმართება.

ფოტო: Nakrebi.ge

lagazzetta.ge

კომენტარები