ევროკავშირის ქვეყნებიდან ქართველი ვიზიტორები ყველაზე ხშირად გერმანიას, იტალიას და ავსტრიას სტუმრობდნენ.
საქსტატის ინფორმაციითვე, შარშან 15 წლის უფროსი ასაკის ქართველი ვიზიტორები ყველაზე ხშირად გერმანიას სტუმრობდნენ, შემდეგ მოდის იტალია და ავსტრია.
ევროკავშირში ყველაზე მონახულებადი ქვეყნები 2024 წელს:
| ქვეყანა | ვიზიტების რაოდენობა | |
| გერმანია | 71.9 | |
| იტალია | 39.4 | |
| ავსტრია | 28.9 | |
| საფრანგეთი | 28.8 | |
| პოლონეთი | 27.1 | |
| ჩეხეთი | 21.2 | |
| ლიეტუვა | 20.8 | |
| ესპანეთი | 20.4 | |
| საბერძნეთი | 19.8 | |
| კვიპროსი | 18.3 |
საქართველოდან ევროკავშირში ვიზიტების რაოდენობა ბოლო წლებში მზარდია. იმის გამო, რომ გამყვანი ტურიზმის სტატისტიკას საქსტატი 2019 წლიდან აქვეყნებს, 2017 წლის მონაცემები (უვიზოს ამოქმედებიდან) ხელმისაწვდომი არ არის.
საქსტატის ინფორმაციით, 2025 წლის პირველ კვარტალში 15 წლის და უფროსი ასაკის საქართველოს რეზიდენტი ვიზიტორების მიერ ევროკავშირის ქვეყნებში განხორციელებული ვიზიტების რაოდენობა 88.6 ათასი იყო. შარშან ევროკავშირში ვიზიტები 13%-ით 378.5 ათასამდე გაიზარდა.
ბოლო წლებში ევროკავშირში საქართველოდან ვიზიტები რაოდენობა:
- 2019 წელი – 304.8 ათასი ვიზიტი;
- 2022 წელი – 186.5 ათასი ვიზიტი;
- 2023 წელი – 333.9 ათასი ვიზიტი;
- 2024 წელი – 378.5 ათასი ვიზიტი;
- 2025 წლის (პირველი კვარტალი) – 88.6 ათასი ვიზიტი;
საქსტატის ცნობით, კორონავირუსის (COVID-19) გავრცელებასთან დაკავშირებული რისკების გამო, პანდემიის პერიოდში (2020-2021 წლებში) გამყვანი ტურიზმის სტატისტიკური გამოკვლევის სამუშაოები შეჩერებული იყო. შესაბამისად, 2020-2021 წლების მონაცემები ხელმისაწვდომი არ არის.
საქართველოსთვის უვიზო რეჟიმის გაუქმების საკითხი 15 ივლისიდან გააქტიურდა, მას შემდეგ რაც ცნობილი გახდა, რომ ევროკომისიამ ქართულ მხარეს გამოუგზავნა წერილი, სადაც ხაზგასმულია, რომ უვიზო რეჟიმი, რაც საქართველოს ევროკავშირთან აქვს პრივილეგიაა და ის შეიძლება შეჩერდეს, თუ აგვისტოს ბოლომდე ვიზალიბერალიზაციის 2024 წლის დეკემბრის ანგარიშში გაწერილი პირობები არ შესრულდება.
მანამდე ბრიუსელში სანქციების საკითხი კიდევ ერთხელ განიხილეს, ევროკომისიის ბოლო შეთავაზება ორ ქართველი მოსამართლისთვის აქტივების გაყინვა და ევროკავშირში შესვლის აკრძალვა იყო. თუმცა უნგრეთმა და სლოვაკეთმა შეხვედრამდე თქვეს, რომ სანქციებს მხარს არ დაუჭერდნენ. 2017 წლის 28 მარტიდან საქართველოს მოქალაქეებს შენგენის ზონის ქვეყნებში უვიზოდ მოგზაურობის უფლება აქვთ.
წყარო: bm.ge
Loading ...