ევროპარლამენტმა საგანგებო კლიმატური და ეკოლოგიური მდგომარეობა გამოაცხადა. შესაბამის რეზოლუციას დეპუტატებმა 28 ნოემბერს უყარეს კენჭი. დოკუმენტს არა აქვს სავალდებულო ხასიათი.
ევროპარლამენტის დეპუტატები ევროპის კომისიას მიმართავენ რეკომენდაციით, რომ ყველა საკანონმდებლო და საბიუჯეტო გადაწყვეტილება შეესაბამებოდეს პარიზის ხელშეკრულებებს – არ დაუშვან გლობალური დათბობა ცელსიუსით 1,5 გრადუსზე უფრო მეტით.
ევროპარლამენტმა ასევე გაეროს მოუწოდა, კლიმატის საკითხებისადმი მიძღვნილ კონფერენციაზე, რომელიც დეკემბერში გაიმართება მადრიდში, იკისროს ვალდებულება, რომ 2030 წლისთვის სათბურის გაზების გამოყოფა 55%-ით შეამციროს. რეზოლუციაში დეპუტატებმა ევროკომისიას სთხოვეს, გაზის ემისიის კვოტების გაცვლის საერთო სისტემაში შეიტანონ საზღვაო მიმოსვლაც.
დეპუტატებმა აღნიშნეს, რომ ევროპის კავშირის ქვეყნებმა 2020 წლისთვის უნდა გააორმაგონ საერთაშორისო მწვანე ფონდში დაბანდებები და შეწყვიტონ ნამარხი საწვავის სუბსიდირება.
Loading ...
