ევროკავშირმა რუსეთს სანქციები გაუგრძელა

ევროკავშირმა რუსეთს 2020 წლის ივლისის ბოლომდე გაუგრძელა სანქციები, რომლებიც ფინანსურ, ენერგეტიკის და თავდაცვის სფეროებზე ვრცელდება.

გადაწყვეტილება მიღებულია უკრაინის აღმოსავლეთში კონფლიქტის მოგვარების პროცესში პროგრესის არარსებობის გამო. ევროკავშირი სანქციების მოხსნის პირობად ასახელებს მოსკოვის მიერ „მინსკის შეთანხმების“ შესრულებას.

რუსეთის წინააღმდეგ სანქციები 2014 წლის ივლისიდან, ყირიმის ანექსიის გამო მოქმედებს. ევროკავშირი სანქციების ვადის გაგრძელების საკითხს ყოველ ექვს თვეში ერთხელ განიხილავს.

www.radiotavisupleba.ge