ევროკავშირის საბჭომ ხუთშაბათს ოფიციალურად შეათანხმა ადრე ევროკავშირის ლიდერების მიერ მიღებული პოლიტიკური გადაწყვეტილება რუსეთის წინააღმდეგ სანქციების კიდევ ექვსი თვით, 2020 წლის 31 ივლისამდე, გახანგრძლივების შესახებ.
ამის შესახებ ნათქვამია ევროკავშირის საბჭოს პრესცენტრის განცხადებაში, რომელშიც ხაზგასმულია, რომ სანქციების სამიზნეა რუსეთის ეკონომიკის კონკრეტული სფერო, 170 კერძო და 44 იურიდიული პირი.
სანქციების გაგრძელების გადაწყვეტილება უკავშირდება საფრანგეთის პრეზიდენტისა და გერმანიის კანცლერ, ანგელა მერკელის 12 დეკემბრის ანგარიშებს მინსკის შეთანხმებათა შესრულების შესახებ. „იმის გათვალისწინებით, რომ მინსკის შეთანხმება ბოლომდე არ სრულდება, ევროკავშირის საბჭომ ერთსულოვნად მიიღო პოლიტიკური გადაწყვეტილება რუსეთის წინააღმდეგ დაწესებული ეკონომიკური სანქციების განახლების შესახებ“, – ნათქვამია ოფიციალურ ცნობაში.
27 ივნისიდან გახანგრძლივებულ ამჟამინდელი სანქციების ვადა 2020 წლის 31 იანვარს იწურება.
რუსეთის წინააღმდეგ მიმართული ევროკავშირის ეკონომიკური სანქციები2014 წლის 31 ივლისიდან შევიდა ძალაში, მოსკოვის მიერ უკრაინის ყირიმის ანექსიისა და დონბასის დესტაბილიზაციის პასუხად.
აღმოსავლეთ უკრაინაში პრორუსულად განწყობილ სეპარატისტებსა და უკრაინის არმიას შორის მიმდინარე შეიარაღებულ კონფლიქტში 13 ათას კაცზე მეტი დაიღუპა.
www.radiotavisupleba.ge
Loading ...