ჯორჯ ბუშის საპრეზიდენტო ინსტიტუტის დირექტორი და სახელმწიფო დეპარტამენტის ყოფილი მაღალჩინოსანი დევიდ კრამერი ამერიკის დიპლომატიური უწყების 5 აპრილის გადაწყვეტილებაზე ამბობს, რომ სანქციებზე ევროკავშირმაც უნდა იფიქროს. ამის შესახებ განცხადებას “ამერიკის ხმა” ავრცელებს.
კრამერის თქმით, სახელმწიფო დეპარტამენტის გადაწყვეტილება უგზავნის მკაფიო სიგნალს მათ, ვინც ანტი-დემოკრატიულ და კორუფციულ საქმიანობაშია ჩართული, რომ ისინი ამისთვის საფასურს გადაიხდიან.
„ეს აჩვენებს მზარდ შეშფოთებას ამერიკის შეერთებულ შტატებში საქართველოში არსებული სიტუაციის თაობაზე და უგზავნის მკაფიო სიგნალს მათ, ვინც ანტიდემოკრატიულ და კორუფციულ საქმიანობაშია ჩართული, რომ ისინი ამისთვის საფასურს გადაიხდიან. სხვები, ვინც ამგვარ საქმიანობაში არიან ჩართულნი და არ არიან დღეს აქ ნახსენები, ამას ძალიან ყურადღებით უნდა დააკვირდნენ.
ნათელი უნდა იყოს, რომ ეს არაა სანქციები საქართველოს ან ქართველი ხალხის წინააღმდეგ. ესაა მიზანმიმართული სანქციები იმ კონკრეტული პირების წინააღმდეგ, რომლებიც პასუხისმგებლები არიან საქართველოს მცდარი გზით წაყვანაზე. ვიმედოვნებ, რომ ევროკავშირიც იგივეს გააკეთებს”,- ამბობს კრამერი ცნობისთვის, აშშ-მა 4 ქართველ მოსამართლეს, სასამართლო კლანის გავლენიან წევრებს, მათ შორის მურუსიძესა და ჩინჩალაძეს კორუფციული საქმიანობის გამო, სანქციები დაუწესა და აშშ-ში შესვლა აუკრძალა. სანქციები შეეხოთ მოსამართლეთა ოჯახის წევრებსაც.
Loading ...