ევროკავშირის ქვეყნებში აგროსასურსათო პროდუქციის ექსპორტი 19%-ით გაიზარდა და 56.9 მლნ აშშ დოლარი შეადგინა. ამის შესახებ გარემოს დაცვისა და სოფლის მეურნეობის სამინისტრო წერს.
ზრდა, ძირითადად, თხილის, ხილის, ბოსტნეულის წვენებისა და ღვინის ექსპორტის მატებამ განაპირობა: თხილის ექსპორტი 5.2 მლნ აშშ დოლარით გაიზარდა და 19 მლნ შეადგინა – 37.68%-იანი ზრდა; ხილისა და ბოსტნეულის წვენების ექსპორტი 4.3 მლნ აშშ დოლარით გაიზარდა და 5.7 მლნ შეადგინა – 307.14%-იანი ზრდა; ხოლო ღვინის ექსპორტი გაზრდილია 2.3 მლნ აშშ დოლარით და 11.2 მლნ-ს მიაღწია – 25.84%-იანი ზრდა.
რაც შეეხება ქვეყნებს, გერმანიაში ექსპორტი 43%-ით გაიზარდა, რაც მეტწილად ხილისა და ბოსტნეულის წვენების ექსპორტით არის გამოწვეული – 4.3 მლნ აშშ დოლარით გაიზარდა და 5.3 მლნ-ს შეადგენს. იტალიაში ექსპორტმა კი 3.2-ჯერ მოიმატა, რაც უფრო მეტად თხილის ექსპორტს უკავშირდება – 4.8 მლნ აშშ დოლარით გაიზარდა და 5.9 მლნ-ს მიაღწია. ღვინის ექსპორტის ღირებულება 1.2 მლნ აშშ დოლარითაა გაზრდილი ჩინეთშიც და ჯამურად 3.2 მლნ შეადგინა.
www.bpn.ge
Loading ...