23 აგვისტოს ბელარუსის სამთავრობო არხზე გავრცელდა ვიდეო, სადაც ჩანს, რომ პრეზიდენტისა ადმინისტრაციაში ალექსანდერ ლუკაშენკო მის უმცროს, 15 წლის ვაჟთან, ნიკოლაი ლუკაშენკოსთან და მის პრესმდივანთან, ნატალია ესიმონტთან ერთად ჩანს. ალექსანდერ ლუკაშენკოს და მის ვაჟს მაგიდაზე ავტომატი უდევთ.
ვიდეოში ამბობენ, რომ მთელი დღე ალექსანდერ ლუკაშენკო დამოუკიდებლობის სასახლიდან მუშაობდა. კადრებში ჩანს, რომ ლუკაშენკო მრგვალ ოფისში ტელეფონზე ლაპარაკობს, ასევე ვიდეოჩართვა აქვს სხვადასხვა პირთან, ერთერთ კადრში ჩანს იქ დამსწრე ორი მამაკაცი, კიდევ ერთ კადრში კი ჩანს, რომ მრგვალ ოფისში ლუკაშენკო პრესმდივანთან და ვაჟთან ერთად ზის.
23 აგვისტოს მინსკში ერთერთი ყველაზე მასშტაბური ანტისამთავრობო აქცია გაიმართა. მინსკში დამოუკიდებლობის მოედნიდან მომიტინგეთა ნაწილმა პრეზიდენტის ადმინისტრაციასთან გადაინაცვლა, სადაც ტერიტორიას სპეცრაზმი იცავდა. პრეზიდენტის ადმინისტრაციიდან გაავრცელეს ვიდეო, სადაც ჩანს, რომ ალექსანდერ ლუკაშენკო ვერტმფრენით ეშვება ავტომატით ხელში.
ასევე, ბელარუსული მედია წერს, რომ მისი თანმხლები ერთერთი შეიარაღებული პირი ნიკოლაი ლუკაშენკო იყო.
https://www.instagram.com/tv/CEPgiYPHeBQ/?igshid=pnmwg1w26nyp&fbclid=IwAR3KFt8XA4p9VUO4SnJ_SjIBfPckJOz_TLaj1cSVwACn02m4VZ2Qnk7X37A
Loading ...