დღეს უკრაინაში დაღუპულ მებრძოლს, ჯამბულატ ხოფერიას დაკრძალავენ

დღეს ლანჩხუთის მუნიციპალიტეტის სოფელ გვიმბალაურში უკრაინაში დაღუპულ მებრძოლს, ჯამბულატ ხოფერიას დაკრძალავენ. მის სახლთან უკვე შეკრებილები არიან დაღუპულის ახლობლები და ნათესავები. სამძიმრის გამოსაცხადებლად მოდიან პოლიტიკოსები, სამხედროები და რიგითი მოქალაქეები. 25 წლის ჯამბულათ ხოფერიას დღეს 15 საათზე საგვარეულო სასაფლაოზე სამხედრო პატივით დაკრძალავენ. ის 1 დეკემბერს უკრაინაში ქიმიური ნივთიერებით ინტოქსიკაციის შედეგად გარდაიცვალა. ოჯახის ინფორმაციით, მას ბიძის, ჯამბულატ ხოფერიას გვერდით დაკრძალავენ, რომელიც 25 წლის ასაკში, აფხაზეთის ომში დაიღუპა.