ქუთაისისა და ამბროლაურის შემდეგ ოზურგეთი – კონსტიტუციური კანონპროექტების საყოველთაო-სახალხო განხილვა დღეს გურიაში გაგრძელდება. შეხვედრა ოზურგეთის დრამატული თეატრის დარბაზში 11 საათზე დაიწყება. მმართველი გუნდის განმარტებით, თანამედროვე ეპოქაში, არატრადიციული ცხოვრების წესის პროპაგანდა ერთ-ერთი პრობლემა გახდა და მას რეაგირება სჭირდება.
კანონპროექტებით გათვალისწინებულია ისეთი საკითხების დარეგულირება, რომელიც ეხება ქორწინებას, შვილად აყვანას, ასევე სასწავლო პროგრამებს. კვირის ბოლომდე კონსტიტუციური კანონპროექტების განხილვა ასევე გაიმართება ბათუმში, ზუგდიდსა და მესტიაში.
კომენტარები
Loading ...