საქართველოს საფეხბურთო ჩემპიონატის მეოთხე ლიგის 28 ტურში, დღეს ლანჩხუთში გურული დერბი შედგება. ევგრაფი შევარდნაძის სახელობის სტადიონზე “გურია” ოზურგეთის “მერცხალს” მიიღებს.
ჩემპიონატის დასრულებამდე სამი ტურით ადრე გურიის გუნდები სხვადასხვა ამოცანების წინაშე დგანან.
დღევანდელი მასპინძლები ლიდერობისთვის იბრძვიან, მათ 52 ქულა აქვთ და მესამე ადგილზე იმყოფებიან. “გურია” პირველ ადგილზე მყოფ “იბერია 2010”-ს ოთხი, ხოლო “ივერიას” ორი ქულით ჩამორჩება.
ლიგაში ადგილის შესანარჩუნებლად იბრძვის “მერცხალი”. მას 33 ქულა აქვს, მე-11 ადგილზეა და სახიფათო ზონაში მე-13 ადგილოსანს 5 ქულით უსწრებს.
გურული გუნდების დღევანდელი შეხვედრა 14 საათზე დაიწყება.
კომენტარები
Loading ...