ვებგვერდ Provax.ge- ზე ვაქცინაციისთვის განკუთვნილი თავისუფალი ადგილების რაოდენობის ნახვა დღეიდან შესაძლებელია.
მთავრობის ადმინისტრაციის ცნობით, აღნიშნული ინფორმაცია მოქალაქეებისთვის ვებგვერდზე უკვე ხელმისაწვდომია.
ვებგვერდი provax.ge ვაქცინაციის შესახებ ინფორმირებულობის გაზრდის მიზნით შეიქმნა.
„Provax.ge-დან დაინტერესებულ პირებს შეუძლიათ მიიღონ პასუხები ვაქცინაციის შესახებ მათთვის საინტერესო კითხვებზე. ვებგვერდზე ასევე ხელმისაწვდომია შემეცნებითი ვიდეორგოლები, ვაქცინაციის პროცესის სტატისტიკა და საქართველოში COVID-19 ვაქცინის დანერგვის ეროვნული გეგმა”,- აღნიშნულია გავრცელებულ ინფორმაციაში.