დღეიდან ოზურგეთის კლინიკა ”მედალფაში” ყველა განყოფილება ფუნქციონირებს

ოზურგეთის კლინიკა ‘’მედალფა’’ სრული დატვირთვით ამუშავდა, დღეიდან განყოფილებები ახალი სტანდარტების შესაბამისად ამოქმედდა და პაციენტების მისაღებად მზად არის.

კლინიკა ‘’მედალფაში’’ რამდენიმე განყოფილების მუშაობის შეჩერების მიზეზი მთავრობის დადგენილება გახდა, რომლის თანახმადაც საქართველოში მოქმედი ყველა კლინიკა ვალდებული იყო საოპერაციო განყოფილება, რეანიმაციული განყოფილება და ქირურგიული განყოფილება ახალი სტანდარტების მიხედვით მოეწყო. აღნიშნული ვალდებულება ოზურგეთის კლინიკა ‘’მედალფამ’’ მალევე შეასრულა და უკვე დღეიდან ზემოთხსენებულ სამივე განყოფილებაში ყველა საჭირო სტანდარტი მაღალი დონის დაცვით არის შესრულებული. შესაბამისად, პაციენტებს შეუძლიათ კლინიკის სრული სამედიცინო სერვისით კვლავინდებურად ისარგებლონ.