დუბაის საერთაშორისო აეროპორტის ტერიტორიაზე აფეთქება მოხდა, – ინფორმაციას The Times of Israel-ი ავრცელებს.
გამოცემა სოციალურ ქსელებში გავრცელებულ ვიდეოკადრებზე დაყრდნობით წერს, რომ ირანული დრონი დუბაის საერთაშორისო აეროპორტის ტერიტორიაზე ჩამოვარდა.
ავიაკომპანია Emirates-მა განაცხადა, რომ ფრენები დროებით შეაჩერა, თუმცა მოგვიანებით მუშაობის განახლების შესახებ გამოაცხადა.
„Emirates-ი სიტუაციის მონიტორინგს აგრძელებს“, – ნათქვამია ავიაკომპანიის განცხადებაში.
ირანის პრეზიდენტმა, მასუდ ფეზეშქიანმა, დღეს სპარსეთის ყურის ქვეყნებს თავდასხმების გამო ბოდიში მოუხადა
„მე მინდა ბოდიში მოვუხადო მეზობელ ქვეყნებს, რომლებსაც ირანი თავს დაესხა. ამიერიდან მათზე თავდასხმა არ განხორციელდება, თუ ეს ქვეყნები ჩვენ არ დაგვესხმებიან თავს. ვფიქრობ, ეს საკითხი დიპლომატიის გზით უნდა მოვაგვაროთ“. ამბობს ფეზეშქიანი.
მან მიანიშნა, რომ თავდასხმები “არასწორმა კომუნიკაციამ” გამოიწვია. მისი განცხადება შაბათს დილით ბაჰრეინზე, საუდის არაბეთსა და არაბთა გაერთიანებულ საემიროებზე განმეორებითი თავდასხმების შემდეგ გაკეთდა.
ირანის პრეზიდენტის ბოდიშიდან დაახლოებით 1 საათში, დუბაის საერთაშორისო აეროპორტის ტერიტორიაზე ირანული დრონი ჩამოვარდა და აფეთქება მოხდა.
არაბთა გაერთიანებული საამიროებს ზიანის შესახებ ინფორმაცია ჯერ არ გაუვრცელებია. აეროპორტმა მუშაობა დროებით შეაჩერა.
კომენტარები
Loading ...