“ჩემი პრეზიდენტობის განმავლობაში ირანს არასდროს მივცემთ უფლებას ჰქონდეს ბირთვული იარაღი”,-განაცხადა ამერიკის პრეზიდენტმა დონალდ ტრამპმა საგანგებო ბრიფინგზე.
როგორც დონალდ ტრამპმა განაცხადა, ირანის მიერ ერაყში განთავსებულ ამერიკულ ბაზებზე სარაკეტო დარტყმის ამერიკელი ჯარისკაცები არ დაშავებულან.
“ჩემი პრეზიდენტობის განმავლობაში ირანს არასდროს მივცემთ უფლებას ჰქონდეს ბირთვული იარაღი. ამერიკის არცერთი ჯარისკაცი არ დაზიანებულა ირანის თავდასხმის შედეგად და ჩვენმა ბაზამ მხოლოდ ნომინალური ზარალი მიიღო. ჩვენ გავცემთ პასუხს ირანს განხორციელებული ქმედებისთვის. მიზეზი, რის გამოც ჩვენ ასეთი მცირე ზარალი მივიღეთ, იყო კარგად გამართული წინასწარი შეტყობინების სისტემა. ირანის მხრიდან ბირთვული იარაღის შექმნაზე მუშაობის გაგრძელება საფრთხეს უქმნის მთელ მსოფლიოს და ჩვენ ამას არ დავუშვებთ. ჩვენი გადაწყვეტილებით, ყასემ სოლეიმანი, რომელიც პასუხისმგებელი იყო არაერთ ტერორისტულ აქტზე, შევაჩერეთ. ის იყო მთავარი ორგანიზატორი ამერიკის საელჩოსთან განხორციელებული აფეთქებების. მისი ლიკვიდაცია დიდი ხნის წინ უნდა მომხდარიყო. ჩვენ განვაგრძობთ მსჯელობას იმაზე, როგორი პასუხი უნდა გავცეთ ირანს”,- განაცხადა დონალდ ტრამპმა.
ტრამპის თქმით, იემენსა და სხვა სახელმწიფოებში შექმნილ “ჯოჯოხეთზე” პასუხისმგებლობა ირანს ეკისრება.
pia.ge
Loading ...
