ამერიკის შეერთებული შტატების პრეზიდენტ დონალდ ტრამპისა და რუსეთის პრეზიდენტ ვლადიმერ პუტინის შეხვედრა 15 აგვისტოს, ალასკაზე გაიმართება.
ამის შესახებ ტრამპი სოციალურ ქსელში წერს.
როგორც ტრამპი აღნიშნავს, დამატებითი დეტალები მოგვიანებით გასაჯაროვდება.
„რუსეთი და აშშ ახლო მეზობლები არიან, რომლებიც ერთმანეთს ესაზღვრებიან. სრულიად ლოგიკურია, რომ ჩვენი დელეგაცია უბრალოდ ბერინგის სრუტეს გადაუფრენს და ორი ქვეყნის ლიდერების ასეთი მნიშვნელოვანი და მოსალოდნელი სამიტი ალასკაზე გაიმართება“, – განაცხადა რუსეთის პრეზიდენტის, ვლადიმერ პუტინის თანაშემწემ, იური უშაკოვმა.
მისი თქმით, შეხვედრაზე ლიდერები „უკრაინის კრიზისის ხანგრძლივი და მშვიდობიანი მოგვარების ვარიანტებს განიხილავენ“.
ამასთან, უშაკოვის ცნობით, დონალდ ტრამპსა და ვლადიმერ პუტინს შორის მომდევნო შეხვედრა, შესაძლოა, რუსეთში გაიმართოს.
Loading ...