''დიდი პრივატიზაცია გურიაში'' – კახა ასკურავა ბახმაროს მიწის გასხვისებასთან დაკავშირებით

2019 წლის 29 ნოემბერს ეკონომიკის სამინისტრომ ქონების მართვის სააგენტოსთან ერთად აუქციონზე გასაყიდად 100 სახელმწიფო ობიექტი გამოიტანა, მათ შორის იყო  კურორტ  ბახმაროში მდებარე მიწის ნაკვეთიც. გურიის რეგიონიდან აღნიშნულ სიაში სულ 9 ობიექტი მოხვდა, მათგან კი, აღმოჩნდა, რომ  მხოლოდ ბახმაროში მდებარე ნაკვეთი გაიყიდა, რომელიც ”ორბი ჯგუფმა” აუქციონის წესით შეიძინა. აღსანიშნავია, რომ აუქციონში მხოლოდ ერთი პრეტენდენტი მონაწილეობდა.

აღნიშნულთან დაკავშირებით ”ერთიანი ნაციონალური მოძრაობის” წევრი, ლანჩხუთის საკრებულოს დეპუტატი კახა ასკურავა განცხადებას ავრცელებს და ამბობს, ხსენებულ ფაქტში არაერთი საეჭვო გარემოება იკვეთება.

”რამოდენიმე ხნის უკან, ეკონომიკის სამინისტრომ დიდის ამბით დაანონსა გურიის რეგიონში სახელმწიფო საკუთრებაში არსებული უძრავი ქონების პრივატიზაცია,შესაბამისი ნუსხაც გამოაქვეყნა, რომელშიც გურიის სამივე მუნიციპალიტედიდან შედიოდა ცხრა ობიექტი.
დღეს გამოქვეყნებული შედეგებიდან გამომდინარე ირკვევა,რომ ყველა ობიექტი ჩავარდა გარდა ერთისა და ეს ერთი არის კურორტ ბახმაროში არსებული მიწის ნაკვეთი, რომელიც “ორბი ჯგუფმა”შეიძინა.ეს შედეგები პირადად მე არ გამკვირვებია, ვიცნობ რა რეგიონს და წინასწარ ვიცოდი წარმოადგენილი ობიექტების რენტაბელობა, მითუმეტეს იმ სოციალურ-ეკონომიკურ პირობებში რაც დღეს გურიაშია.აქ საინტერესო ეკონომიკის სამინისტროს აფიორაა. სინამდვილეში ეს ე.წ პრივატიზაცია ეძღვნებოდა იმ ერთი მიწის გასხვისებას, რომელიც “ორბი ჯგუფმა”შეიძინა და რომელსაც აუქციონში კონკურენტი არ ყოლია.რაც შეეხება ფასს იგი საბაზრო ღირებულებასთან შედარებით იაფია.
მოგეხსენებათ ამ ზაფხულში სახელმწიფომ “ორბი ჯგუფს” 1₾ რამოდენიმე ჰექტარი მიწა გადსაცა. ეტყობა ამავე კომპანიას დამატებითი გაუჩნდა სურვილი მიმდებარე ტერიტორიაზე კიდევ შეეძინა მიწის ნაკვეთი (სწორედ მიმდებარედ მდებარეობს ეს ნაკვეთიც) ეკონომიკის სამინისტრომ ეს წინასწარ იცოდა და დანარჩენი რვა ობიექტები უბრალოდ მიაყოლა.
პირველი: წინასწარ იცოდა,რომ ბახმაროში მიწის ნაკვეთს მყიდველი გამოჩნდებოდა;
მეორე: ყოველივეს პრივატიზაციად მონათლავდა და საქმეში ჩაეთვლებოდა;
სინამდვილეში კი, ერთი არც თუ ისე ნიჭიერად დადგმული სპექტაკლი წარმოგვიდგინა – სახელით “დიდი პრივატიზაცია გურიაში” – წერს კახა ასკურავა.