დიდი აღმოჩენა — დაფიქსირებულია სამყაროს ფონური „ზუზუნი“

უკვე ოფიციალურად დადასტურდა, რომ სამყაროში არის რაღაც, რაც ვარსკვლავებს ისე არხევს, რომ შეუძლებელია, ეს შემთხვევითობას მიეწეროს.

მკვლევართა რამდენიმე ჯგუფმა მთლი მსოფლიოდან, ვარსკვლავების ერთ-ერთი ტიპის, პულსარების დროში განაწილებაში, ერთმანეთისგან დამოუკიდებლად აღმოაჩინა სიგნალი, რომელიც მიუთითებს გალაქტიკაში მოძრავ გიგანტურ, გრძელ ტალღისსიგრძიან გრავიტაციულ ტალღებზე. უნდა აღინიშნოს, რომ უშუალოდ ეს გრავიტაციული ტალღები ჯერ არ დაფიქსირებულა, მაგრამ 99 პროცენტზე მეტია შანსი იმისა, რომ ჩვენ წინაშე რაღაც ძალიან მნიშვნელოვანია.

ავსტრალიელ, ამერიკელ, ევროპელ, ჩინელ და ინდოელ მკვლევართა ჯგუფები მათ მიერ მიღებულ შედეგებს ერთდროულად აქვეყნებენ რამდენიმე სხვადასხვა პუბლიკაციაში.

„სულ მცირე 15 წელის, ვეძებთ გრავიტაციული ტალღების დაბალ ზუზუნს, რომელიც სამყაროს მასშტაბით ისმის, შემოდის ჩვენს გალაქტიკაშიც და სივრცე-დროს ისე ამრუდებს, რომ ამის გაზომვა შესაძლებელია. მოხარულები ვართ, გაცნობოთ, რომ ჩვენმა მუხლჩაუხრელმა შრომამ შედეგი გამოიღო და გვაქვს გრავიტაციული ტალღების ამ ფონის ამაღელვებელი მტკიცებულება“, — ამბობს ვანდერბიტის უნივერსიტეტის ასტროფიზიკოსი, ობსერვატორია NANOGrav-ის თავმჯდომარე და ამერიკული ჯგუფის წარმომადგენელი სტივენ ტეილორი.

გააგრძელეთ კითხვა