დიდთოვლობის შედეგების ლიკვიდაციისთვის თანხა 6 მუნიციპალიტეტს გამოეყოფა – რამდენია გათვალისწინებული გურიის მუნიციპალიტეტებისთვის

მთავრობა სტიქიის შედეგების ლიკვიდაციისთვის სარეზერვო ფონდიდან დამატებით თანხას კიდევ სამ მუნიციპალიტეტს გამოუყოფს.

მთავრობის 30 მაისის განკარგულებით ცვლილება შედის 2025 წლის 17 მარტის განკარგულებაში და მიმდინარე წლის თებერვალში განვითარებული სტიქიის შედეგად წარმოქმნილი საჭიროებების ასანაზღაურებლად, სარეზერვო ფონდიდან ოზურგეთის, ჩოხატაურის და ლანჩხუთის მუნიციპალიტეტებთან ერთად დაფინანსებას ბაღდათის, ტყიბულისა და ვანის მუნიციპალიტეტები მიიღებენ.

შედეგად მთავრობის სარეზერვო ფონდიდან ჯამში 2 857 913 ლარი გამოიყოფა, რაც პირველად თანხას 288 865 ლარით აღემატება. ეს თანხა მუნიციპალიტეტებზე ასე ნაწილდება:

• ოზურგეთის მუნიციპალიტეტი – 1 228 062 ლარი;
• ჩოხატაურის მუნიციპალიტეტი – 794 968 ლარი;
• ლანჩხუთის მუნიციპალიტეტი – 546 018 ლარი;
• ბაღდათის მუნიციპალიტეტი – 142 600 ლარი;
• ტყიბულის მუნიციპალიტეტი – 96 265 ლარი;
• ვანის მუნიციპალიტეტი – 50 000 ლარი.

www.bm.ge