შუახნის მამაკაცს სამარშრუტო ტაქსმა ფეხზე გადაუარა. შემთხვევა ოზურგეთის მუნიციპალიტეტის სოფელ დვაბზუში ცოტა ხნის წინ მოხდა. თვითმხილველების ინფორმაციით, მამაკაცი მაღაზიიდან გამოვიდა და შემთხვევით ასფალტზე წაიქცა, რა დროსაც მას ფეხზე ოზურგეთი- ჩოხატაურის სამარშრუტო რეისის მიკროავტობუსმა გადაუარა. დაშავებული მამაკაცი, რომელიც სავარაუდოდ სოფელ ცხემლისხიდიდან არის, კლინიკაში იქნა გადაყვანილი. ადგილზე მობილიზებული იყო საპატრულო და სასწრაფო დახმარების ეკიპაჟები.
მასალა მომზადებულია პროექტის “განათლებული, პროფესიონალი კადრები რეგიონული მედიის გაძლიერებისთვის” ფარგლებში.
კომენტარები
Loading ...