ფეხბურთის ვარსკვლავმა დევიდ ბექჰემმა სოციალური მედიის ანგარიშები “ინსტაგრამსა” და “ფეისბუკზე” ხარკოვის რეგიონალური პერინატალური ცენტრის ხელმძღვანელს გადასცა.
ფეხბურთელმა, რომელსაც 71,4 მილიონი გამომწერი ჰყავს სოციალურ მედიაში, თქვა, რომ მას სურდა ხაზი გაესვა სამედიცინო პერსონალის “საოცარ საქმეზე”, რომლებიც რუსეთის შემოჭრის ფონზე მუშაობენ.
“დღეს მე გადავცემ ჩემს სოციალურ არხებს ირინას, რეგიონალური პერინატალური ცენტრის ხელმძღვანელს ხარკოვში, უკრაინაში, სადაც ის ეხმარება დედებს მშობიარობაში. გადახედეთ ჩემს ისტორიებს, რომ გაიგოთ მეტი იმ საოცარი სამუშაოს შესახებ, რომელსაც ირინა და მის მსგავსი ჯანდაცვის მუშაკები აკეთებენ უკრაინაში სიცოცხლის გადასარჩენად”,, – თქვა ვიდეომიმართვაში ბექჰემმა.
მან მოუწოდა ადამიანებს გაიღონ შემოწირულობა.
როგორც ცენტრის დირექტორი, ირინა ამბობს, მშვიდობის დროს ბავშვთა ანესთეზიოლოგი იყო და ომის პირველ დღეს ყველა ორსული ქალი და დედა საავადმყოფოს სარდაფში გადაიყვანეს.
მისი თქმით, „სამწუხაროდ, ჩვენ არ შეგვიძლია რეანიმაციაში მყოფი ბავშვების სარდაფში წაყვანა, რადგან ისინი საჭიროებენ საგანგებო აღჭურვილობას“.
ირინა დასძენს, რომ პირველი დღეები ყველაზე რთული იყო და ამბობს, რომ მისი სამუშაო დღე ახლა 24/7-ზეა.
Loading ...
