“და ეს მხოლოდ დასაწყისია” – აშშ 350 მილიარდ დოლარს გამოყოფს უკრაინის აღსადგენად

აშშ-ის სენატმა დაამტკიცა 350 მილიარდი დოლარის დახმარება უკრაინის აღდგენისთვის.

ამის შესახებ ნიუ-იორკის 45-ე ოლქის რესპუბლიკური პარტიის ხელმძღვანელმა ბორის პინკუსმა განაცხადა.

“რამდენიმე კვირის წინ აშშ-ს სენატმა დაამტკიცა 350 მილიარდი დოლარი უკრაინის აღდგენისთვის. და ეს მხოლოდ დასაწყისია. უფრო მეტიც, მარშალის გეგმა, რომელიც შემუშავდება, მოიცავს ევროპის ყველა ქვეყნის აქტიურ მონაწილეობას”, – თქვა პინკუსმა.

მისი აზრით, ეს მიმართულება უფრო ინტენსიური უნდა გახდეს.

“უკრაინას უკვე დღეს, მიუხედავად იმისა, როდის დასრულდება ომი, სასწრაფოდ სჭირდება იმ რეგიონების ინფრასტრუქტურის აღდგენა, რომლებმაც განიცადეს ზარალი. აშშ-ის კონგრესი და ბაიდენის ადმინისტრაციაც ამ მიმართულებით მუშაობენ”, – თქვა პინკუსმა.