ოზურგეთში, სოფელ ოზურგეთში სახლთან, სადაც 53 წლის მამაკაცი დაჭრილი იპოვეს, ამ წუთებში საგამოძიებო მოქმედებები მიმდინარეობს – ბასრი საგნით მიყენებული ჭრილობებით მამაკაცი კლინიკაშია გადაყვანილი. არსებობს ორი ვერსია, ერთი უკავშირდება ორი დღის წინ 23 წლის გიგა როყვას მკვლელობას, რადგან დაჭრილი მკვლელობაში ბრალდებულის ბიძაა და მეორე ვერსიით, შესაძლოა, პირმა თვითდაზიანებები მიიყენა, რადგან, ჩვენი ინფორმაციით გამოძიებამ სახლში წერილიც იპოვა. ექიმის განმარტებით, პაციენტს მრავლობითი ნაკვეთი ჭრილობები აღენიშნებოდა, მას ქირურგიული ჩარევა დასჭირდა. როგორც მედიკოსი ამბობს, პაციენტის მდგომარეობა ამჟამად მძიმეა. “სხეულის მთელ ზედაპირზე აღენიშნება მრავლობითი ნაკვეთი ჭრილობები, ორივე ზემო და ორივე ქვემო კიდურზე, კისრის არეში, ორივე მტევანზე. ახლახან დამთავრდა ოპერაცია, ჭრილობები დამუშავდა, გაიკერა. გადაყვანილია პალატაში. პაციენტის ზოგადი მდგომარეობა არის მძიმე,” – აცხადებს “მედალფას” ოზურგეთის კლინიკის დირექტორი დავით მდინარაძე.
Loading ...