უკრაინის პრეზიდენტმა, ვოლოდიმირ ზელენსკიმ გაავრცელა ცნობა, რომლის მიხედვითაც რუსეთმა დონეცკის ოლქის სოფელ იაროვის მშვიდობიანი მოსახლეობის მიმართულებით ავიაბომბი ჩამოაგდო. მოქალაქეები ამ დროს პენსიის რიგში იდგნენ. წინასწარი ინფორმაციით, დაღუპულია 20-ზე მეტი ადამიანი.
ზელენსკის თქმით, საჭიროა ამ იერიშს მსოფლიოს რეაგირება მოჰყვეს.
“ცხადად ცხოველური რუსული დარტყმა იაროვის დასახლებაზე, დონეცკის ოლქში. პირდაპირ ადამიანებზე. ჩვეულებრივი სამოქალაქო ადამიანები. მაშინ, როცა პენსიებს არიგებდნენ. წინასწარი ინფორმაციით, დაღუპულია 20-ზე მეტი ადამიანი. არ მყოფნის სიტყვები… თანავუგრძნობ დაღუპულთა ყველა ნათესავსა და ახლობელს.
რუსეთის ასეთი დარტყმები ნამდვილად არ უნდა დარჩეს მსოფლიოს შესაბამისი რეაქციის გარეშე. რუსები აგრძელებენ სიცოცხლის განადგურებას, მაგრამ გაურბიან ახალ ძ₾იერ სანქციებს, ახალ ძლიერ დარტყმებს. მსოფლიო არ უნდა დუმდეს. მსოფლიო უმოქმედოდ არ უნდა რჩებოდეს. საჭიროა შეერთებული შტატების რეაქცია. საჭიროა ევროპის რეაქცია. საჭიროა [დიდი] ოცეულის რეაქცია. საჭიროა ძლიერი ქმედებები, რათა რუსეთმა სიკვდილის მოტანა შეწყვიტოს.” – წერს ვოლოდიმირ ზელენსკი სოციალურ ქსელში.
უკრაინის პრეზიდენტმა გაავრცელა იერიშის შედეგის ამსახველი ვიდეოც, რომელშიც დაღუპული მოქალაქეები ჩანან.
Loading ...