დაფიქსირდა თუ არა საქართველოში კოვიდ 19-ით რეინფიცირების შემთხვევები

“რაც შეეხება რეინფიცირებას – როდესაც ადამიანი ერთხელ ინფიცირდება და გარკვეული პერიოდის შემდეგ ისევ, ეს შემთხვევები მსოფლიოს მასშტაბითაც არაა ბევრი. საქართველოში ჩვენ დაკვირვების ქვეშ გვქონდა დაახლოებით 3 ათეულ შემთხვევამდე, იქიდან მოხდა სელექცია და ახლა გენეტიკური კვლევა მიმდინარეობს, სადაც შეიძლება სავარაუდოდ, იყოს ერთ შემთხვევაში [რეინფიცირება], შეიძლება არ დადასტურდეს. ბევრი შემთხვევა უკუგდებული იყო ჩვენს მიერ, სადაც ეჭვი იყო რეინფიცირების. ახლა მიმდინარეობს კიდევ ლაბორატორიული და მათ შორის, გენეტიკური რამდენიმე შემთხვევაზე, ერთზე უფრო იკვეთება, რომ შესაძლებელია, იყოს [რეინფიცირება], მაგრამ ეს ჯერ დადასტურებული არაა…” – განაცხადა დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ საკოორდინაციო საბჭოს სხდომის დასრულების შემდეგ.