დასჯილი დედაოები მეუფე სტეფანემ ლენტეხის მონასტერში, მოსანანიებლად განამწესა

მეუფე სტეფანეს დასჯილი დედაოები ისევ მარტვილის ეპარქიის შესასვლელთან დგანან და მონასტრის ტერიტორიაზე შესვლას უშედეგოდ ითხოვენ.

როგორც გაირკვა, მეუფე სტეფანემ ისინი ლენტეხის ერთ ერთ მონასტერში, მოსანანიებლად განამწესა.

დედა სოსანა კი, რომელიც გადაბარების კომისიის წევრია, ეპარქიაში დაბრუნებას იქამდე ითხოვს, ვიდრე ახალ წინამძღვარს სრულად გადააბარებს თავის საქმიანობას.

ამის მიუხედავად, მეუფე სტეფანეს ბრძანებით, დედაოებს მხოლოდ პირადი ნივთების გამოსატანად, მხოლოდ 10 წუთით და პოლიციის თანხლებით აძლევენ უფლებას მონასტრის ტერიტორიაზე შევიდნენ.

მღვდელმთავრის სურვილებს მისი ძმა, ივანე კალაიჯიშვილი ახმოვანებს, რომელიც ჭყონდიდის მიტროპოლიტმა ეპარქიის ფინანსურ მენეჯერად დანიშნა.

მარტვილის ეპარქიასთან სამართალდამცველებიც არიან მობილიზებული. სავარაუდოდ,  20-მდე პოლიციელი ადგილზე იმისთვის მიიყვანეს, რომ ეპარქიაში შესვლა დასჯილი დედაოების გარდა, ვერც ჟურნალისტებმა შეძლონ.

ჭყონდიდის მიტროპოლიტმა მეუფე სტეფანემ დედა სოსანა და მორჩილი ნინო გამყრელიძე მარტვილის ეპარქიიდან გარიცხა. 

mtavari.tv