ძუძუს კიბო და პროსტატის კიბო ყველაზე გავრცელებული სიმსივნეა 50 წელზე უფროსი ასაკის ქალებსა და მამაკაცებში.
ამის შესახებ Daily Mail იტყობინება Rance Research UK-ის ანალიზზე დაყრდნობით.
ბრიტანეთში ყოველწლიურად 375 000-ზე მეტი კიბოს დიაგნოსტირება ხდება, რაც ყოველდღიურად ათასის ექვივალენტია. სტატისტიკა აჩვენებს, რომ ყოველი მეორე ადამიანი სიცოცხლის განმავლობაში განუვითარდება კიბოს რაიმე ფორმა. Rance Research UK-ის თანახმად, დიდ ბრიტანეთში კიბოს შემთხვევების მესამედი პრევენციულია. თუმცა, კიბოს ზოგიერთი სახეობა დამახასიათებელია გარკვეული ასაკობრივი ჯგუფისთვის.
ბავშვებში და ახალგაზრდებში ყველაზე გავრცელებული ტიპებია ტვინის სიმსივნე, ლეიკემია და ლიმფომა.
50 წელს გადაცილებულ მამაკაცებს სხვა სიმსივნეებთან შედარებით ყველაზე მეტად უვითარდებათ პროსტატის კიბო (43 ათასი შემთხვევა), ხოლო ქალებში მკერდის კიბო (წლიურად თითქმის 50 ათასი შემთხვევა).
კიბოს შემთხვევების 36% გვხვდება 75 წელზე უფროსი ასაკის ადამიანებში, 54% 50-დან 75 წლამდე და 9% 25-დან 49 წლამდე ასაკის ადამიანებში. გავრცელების თვალსაზრისით ტოპ ათეულში ასევე მოხვდა:
- მსხვილი ნაწლავის კიბო,
- ფილტვის კიბო,
- არაჰოჯკინის ლიმფომა,
- თირკმლის კიბო,
- პანკრეასის კიბო,
- შარდის ბუშტის კიბო,
- პირის ღრუს კიბო,
- ხორხის კიბო.
ასევე წაიკითხეთ:
ძუძუს კიბო
- ტიპურ შემთხვევებში, პირველი ნიშანია ქალის მიერ აღმოჩენილი უმტკივნეულო კვანძი;
- რეკომენდებულია ყოველთვიურდ თვითგასინჯვა, ყოველწლიურად ექიმის მიერ ძუძუს გასინჯვა და ყოველწლიური მამოგრაფია 50 წელზე უფროსი ასაკის ან მაღალი რისკის ქალებისათვის;
- მკვრივი კვანძის აღმოჩენის შემთხვევაში, ქირურგიულად იღებენ მთლიანად კვანძს ან ნემსით იღებენ უჯრედებს მისგან და იკვლევენ (ბიოფსია);
- ძუძუს კიბოს თითქმის ყოველთვის ესაჭიროება ქირურგიული ჩარევა, ზოგჯერ სხივურ და ქიმიოთერაპიასთან ერთად, სხვა მედიკამენტები ან მათი კომბინაცია;
- გამოსავალი ძნელად პროგნოზირებადია და ნაწილობრივ დამოკიდებულია კიბოს მახასიათებლებსა და გავრცელებაზე.
რამდენიმე ფაქტორი ახდენს გავლენას ძუძუს კიბოს განვითარების რისკზე. ზოგიერთი ქალისათვის რისკი საშუალოსთან შედარებით უფრო მაღალი ან უფრო ნაკლებია. ზოგიერთი ფაქტორის მოდიფიკაცია, მაგალითად, როგორიცაა ასაკი, შეუძლებელია. თუმცა რეგულარულმა ფიზიკურმა აქტივობამ, განსაკუთრებით მოზარდობის ან ახალგაზრდა ასაკში და, სავარაუდოდ, წონის კონტროლმაც, შეიძლება შეამციროს ძუძუს კიბოს განვითარების რისკი. ალკოჰოლიანი სასმელების რეგულარული მიღება რისკს ზრდის.
რისკფაქტორების მოდიფიცირებაზე უფრო მეტად მნიშვნელოვანია ერთგვარი სიფხიზლე, ძუძუს კიბოს დროული გამოვლენა, ადრეულ ეტაპზე დიაგნოსტირება და მკურნალობა, როდესაც განკურნების ალბათობა მაღალია. ადრეული გამოვლენა უფრო მეტად სავარაუდოა, როდესაც ქალი რეგულარულად იტარებს მამოგრაფიას და სარძევე ჯირკვლების თვითგასინჯვას.
Loading ...