Worth Global Style Network-მა, რომელიც ტენდენციების პროგნოზირებაშია სპეციალიზებული, დაასახელა 2025 წლის ფერი, რომელიც ლურჯისა და იისფრის სინთეზია, „მომავლის ბინდის“ ფერი.
ქსელმა Coloro-სთან ერთად წარმოადგინა Future Dusk — მუქი იისფერი, როგორც ფიზიკური, ისე ვირტუალური რეალობისთვის. „ეს არის საიდუმლო განწყობისა და გაქცევის გრძნობის სინთეზი. ლურჯისა და იისფრის შერწყმა სიურრეალისტურ სამყაროს მოგვაგონებს, რომელიც კოსმოსური ეპოქის გავლენას ზუსტად შეესაბამება. ამავდროულად, იდეალურია ისეთი ცვალებადი პერიოდისთვის, როგორშიც ახლა ვცხოვრობთ“.
დეკემბერში კი, ცნობილი გახდა, რომ 2023 წლის ფერად Viva Magenta დასახელდა. ამის შესახებ CNN-მა შეგვატყობინა.
ფერის ინსტიტუტის ექსპერტების აზრით, ეს ელფერი, რომელიც წითელსა და ჟოლოსფერს შორისაა, ბუნებასა და ენერგიას უკავშირდება და ყველაზე მეტად შემოქმედებასა და ხელოვნებასთან იწვევს ასოციაციას. Pantone-მა მომავალი წლის მთავარ ფერს ვებგვერდიც მიუძღვნა, სახელწოდებით Magentaverse.
Pantone-ი წლის ფერს 2000 წლიდან ასახელებს, ეს არც თუ ისე მარტივი ამოცანაა. ინსტიტუტის სპეციალისტები ჯერ კიდევ გაზაფხულიდან ატარებენ კვლევას, რომელიც თითქმის 9 თვის განმავლობაში გრძელდება: ანალიტიკოსები აკვირდებიან მოდის ჩვენებებს, გამოფენებს, ახალ ფილმებს. სწორედ ამ დაკვირვებებზე დაფუძნებით ირჩევენ მთავარ ფერს.
კომენტარები
Loading ...
