ვიდეო – დაპირისპირება პარლამენტში – გინება და მიკროფონის მოქნევა დეპუტატებს შორის

ხმაური და დაპირისპირება პარლამენტში – “ოცნების” დეპუტატმა ლევან მგალობლიშვილმა თინა ბოკუჩავას შეაგინა, დეპუტატ ანა წითლიძეს კი მიკროფონი მოუქნია.

“ნაბიჭვარო, დედას შე&&, გააჯ&& აქედან”, – ამ სიტყვებით მიმართა მგალობლიშვილმა ბოკუჩავას.

მგალობლიშვილის შეურაცხმყოფელ განცხადებას სხდომათა დარბაზში ხმაური და დაპირისპირება მოჰყვა. რა დროსაც დეპუტატის მაგიდასთან მისული ანა წითლიძის მისამართით ლევან მგალობლიშვილმა მიკროფონის სროლა დააპირა.

დაპირისპირება იუსტიციის მინისტრის სიტყვით გამოსვლას მოჰყვა, რა დროსაც რატი ბრეგაძე მიხეილ სააკაშვილთან დაკავშირებით სტრასბურგის გადაწყვეტილებაზე საუბრობდა.

“ძალიან კორექტულად გელაპარაკებით, არ მაცდით საუბარს… ყოჩაღ, 5-იანს დაგიწერთ თქვენი ბელადი, დამშვიდდით რა,” – მიმართა რატი ბრეგაძემ თინა ბოკუჩავას.

თინა ბოკუჩავა სიტუაციის გამძაფრებაში დაადანაშაულა გიორგი ვოლსკიმ, რომელიც დღევანდელ სასესიო სხდომას ხელმძღვანელობს.

“ძალიან გთხოვთ შეწყვიტოთ ასეთი კამათი, ქალბატონო თინა, ნუ ამძაფრებთ სიტუაციას, როცა ამის არანაირი საფუძველი არ არსებობს,” – მიმართა ბოკუჩავას ვოლსკიმ.

სხდომაზე კი ტექნიკური შესვენება გამოცხადდა. ლევან მგალობლიშვილი კი “ოცნების” დეპუტატებმა სხდომათა დარბაზიდან გაიყვანეს.

წყარო – ტვ პირველი